ՀՊԼ. «ՈՒՐԱՐՏՈՒՆ» ԱՌԱՎԵԼՈՒԹՅԱՆ ՀԱՍԱՎ «ՎԱՆԻ» ՆԿԱՏՄԱՄԲ ՀԵՏԱՁԳՎԱԾ ԽԱՂՈՒՄ

Ֆաստեքս Պրեմիեր Լիգայի 16-րդ տուրից հետաձգված խաղում Երեւանի «Ուրարտուն» սեփական հարկի տակ ընդունեց Չարենցավանի «Վանին»:

Ռոբերտ Արզումանյանի գլխավորած թիմի կազմում գոլերը հեղինակեցին` Նիկոլաս Ալումյանը և Օլեգ Պոլյակովը: Բոլոր գոլերը գրանցվեցին առաջին խաղակեսում:

Այսպիսով «Նարնջագույններն» 2:0 հաշվով առավելության հասան Հրայր Մկոյանի և խաղընկերների նկատմամբ և 45 միավորով զբաղեցնում են երկրորդ տեղը Ֆաստեքս Պրեմիեր Լիգայի մրցաշարային աղյուսակում, «Վանը» 25 միավորով վեցերորդ տեղում է: