Ծանրամարտի ԵԱ. Հայաստանն այսօր ունի երկու ներկայացուցիչ

Ապրիլի 25-ին ծանրամարտի Եվրոպայի առաջնությունում Հայաստանի հավաքականից հանդես կգան տիտղոսակիր երկու մարզիկներ։

Երևանի ժամանակով ժամը 19:00-ին Վրաստանի Բաթումի քաղաքում մրցահարթակում Հայաստանն կունենա երկու ներկայացուցիչ: 110 կգ քաշային կարգում մեդալների համար պայքարի դուրս կգան Եվրոպայի կրկնակի չեմպիոններ Սիմոն Մարտիրոսյանը և Գարիկ Կարապետյանը։

Հիշեցնենք Եվրոպայի չեմպիոնի ոսկե տիտղոսը նվաճել է Էմմա Պողոսյանը, իսկ Գառնիկ Չոլաքյանը, Ալեքսանդրա Գրիգորյանը, Գոռ Սահակյանն ու Արա Աղանյանը դարձել են արծաթե մեդալակիրներ։ Մարտին Պողոսյանն էլ պատվո հարթակ է բարձրացել՝ արժանանալով բրոնզե մեդալի։