«Մանչեսթեր Յունայթեդի» ֆուտբոլիստները կորցնում են վստահությունը Ամորիմի համակարգի նկատմամբ

«Մանչեսթեր Յունայթեդի» ֆուտբոլիստները մանչեստրյան դերբիում պարտությունից հետո ավելի ու ավելի քիչ են համաձայն «կարմիր սատանաների» գլխավոր մարզիչ Ռուբեն Ամորիմի մարտավարության հետ , հաղորդում է Daily Mail-ը: Հիշեցնենք, որ «Մանչեսթեր Սիթիից» կրած 0:3 հաշվով պարտությունից հետո պորտուգալացի մասնագետը հայտարարել էր, որ չի պատրաստվում փոխել իր մոտեցումը:

Աղբյուրի տվյալներով՝ մարզիչը դեռևս հեղինակություն ունի թիմում և վայելում է «Մանչեսթեր Յունայթեդի» համասեփականատեր Ջիմ Ռատկլիֆի աջակցությունը, սակայն խաղացողները չեն հասկանում մասնագետի մարտավարական պահանջները։ Պորտուգալացին պնդում է խաղալ 3-4-2-1 սխեմայով, ինչը անհարմար է թիմի որոշ խաղացողների, այդ թվում՝ թիմի ավագ Բրունո Ֆերնանդեշի համար։

«Մանչեսթեր Յունայթեդը» Պրեմիեր լիգայի մրցաշրջանի մեկնարկում ունի ընդամենը մեկ հաղթանակ չորս տուրից, ինչը նրանց վատագույն մեկնարկն է Անգլիայի Պրեմիեր լիգայում 1992/93 մրցաշրջանից ի վեր։