«Մանչեսթեր Յունայթեդը» և «Արսենալը» հետաքրքրված են ՊՍԺ-ի հարձակվողով - Խաղից դուրս վիճակ

ՊՍԺ-ի  հարձակվող` Լի Կանգ-ինը մտածում է փարիզյան ակումբից հեռանալու մասին՝ ավելի շատ խաղաժամանակ ստանալու համար: Ֆրանսիական գրանդը պատրաստ է բաց թողնել 24-ամյա ֆուտբոլիստին, եթե նրա համար համապատասխան առաջարկ ստանա, հայտնում է Caught Offside-ը:

Աղբյուրի փոխանցմամբ՝ «Մանչեսթեր Յունայթեդը», «Արսենալը» և «Նապոլին» ուշադիր հետևում են հարավկորեացի թևայինի հետ կապված իրավիճակին։ Ընդգծվում է, որ լոնդոնյան ակումբը ուղիղ կապ է հաստատել։

Լի Կանգ-ինը ՊՍԺ է տեղափոխվել «Մալյորկայից» 2023 թվականի ամռանը։ Անցած մրցաշրջանում հարձակվողը բոլոր մրցաշարերում անցկացրել է 49 խաղ՝ խփելով յոթ գոլ և կատարելով վեց գոլային փոխանցում։ Նա խաղադաշտում անցկացրել է 2458 րոպե։ Ֆուտբոլիստի ներկայիս աշխատանքային պայմանագիրը ակումբի հետ ուժի մեջ է մինչև 2028 թվականի ամառը։ Transfermarkt պորտալում տրամադրված տեղեկատվության համաձայն՝ ֆուտբոլիստի շուկայական արժեքը կազմում է 25 միլիոն եվրո։