«Ինտերը» ցանկանում է ձեռք բերել «Մոնակոյից» Մագնես Ակլյուշի տրանսֆերը

«Ինտերը» հետաքրքրություն է ցուցաբերել «Մոնակոյի» 23-ամյա թևային Մագնես Ակլյուշի նկատմամբ , հաղորդում է LEquipe-ը։

 Աղբյուրի փոխանցմամբ՝ «Ներաձուրիները» ֆուտբոլիստով հետաքրքրվել են օգոստոսի 8-ին մոնեգասկների հետ ընկերական խաղից անմիջապես հետո (2:1): Նշվում է, որ «Մոնակոն» դեմ չէ Ակլյուշի վաճառքին, բայց խաղացողի համար պահանջում է մոտ 70 միլիոն եվրո: Ընդգծվում է, որ ֆուտբոլիստն ինքը կասկածում է, որ որևէ ակումբ կհամաձայնվի բավարարել մոնեգասկների պահանջները:

Անցած մրցաշրջանում Ակլյուշը մասնակցել է 43 խաղի բոլոր մրցաշարերում՝ խփելով յոթ գոլ և կատարելով 12 գոլային փոխանցում։ Ֆուտբոլիստի ներկայիս աշխատանքային պայմանագիրը ակումբի հետ նախատեսված է մինչև 2028 թվականի ամառը։ Transfermarkt պորտալում տրամադրված տեղեկատվության համաձայն՝ ֆուտբոլիստի շուկայական արժեքը կազմում է 45 միլիոն եվրո։