«Նապոլին» հրապարակել է սուրճի գույնի նոր համազգեստի լուսանկարը

«Նապոլին» իր պաշտոնական կայքում հրապարակել է երրորդ մարզաշապիկի լուսանկարները, որը կօգտագործվի 2025/2026 մրցաշրջանում

Մարզաշապիկը  սուրճի գույնի է, ակումբի խորհրդանիշը և հովանավորի լոգոները ակումբի համար ավանդական երկնագույն գույնով են։ Պոլոյի ոճի օձիքը, որը եզրագծված է կապույտ ներդիրներով, նույնպես այլընտրանքային ձևի մաս է կազմում։ Մարզաշապիկը երիզված է երկայնական շերտերով, որոնց մեջ հյուսված է N տառը, որը վերաբերում է թիմի խորհրդանիշին և անվանմանը։ Թևքերի մանժետները նույնպես լրացվում են կապույտ շերտով, իսկ մարզաշապիկի կենտրոնում կա սկուդետտո՝ ի պատիվ անցյալ մրցաշրջանի ավարտին նվաճած առաջնության։