«Մանչեսթեր Յունայթեդը» պատրաստվում է մինչև ամռան վերջ վաճառել ևս չորս ֆուտբոլիստի

«Մանչեսթեր Յունայթեդը» պլանավորում է բաժանվել չորս ֆուտբոլիստից մինչև ամառային տրանսֆերային պատուհանի փակվելը, հաղորդում է Sky Sports-ը։

 Աղբյուրի փոխանցմամբ՝ նրանցից յուրաքանչյուրով արդեն իսկ հետաքրքրված ակումբներ կան: «Միլանը» բանակցություններ է վարում դանիացի հարձակվող Ռասմուս Գոյլունի տրանսֆերի շուրջ, իսկ «Բորուսիա Դորտմունդը» պատրաստ է Ջեյդոն Սանչոյին վերադարձնել իր կազմ: «Չելսին» մտադիր է մոտ ապագայում պաշտոնական առաջարկ անել արգենտինացի թևային Ալեխանդրո Գարնաչոյին ձեռք բերելու համար: Բացի այդ, իսպանական «Բետիսը» կրկին քննարկում է բրազիլացի Անտոնիին վարձակալելու տարբերակը: