Հայտնի է Ուդոյի նոր ակումբը

Հայաստանի ազգային հավաքականի կիսապաշտպան Սոլոմոն Իմե Ուդոն հեռացել է «Փյունիկից»։ Այս մասին հայտնում է «Նռնագույնների»  մամուլի ծառայությունը։

 Transfermarkt-ում առակա տեղեկության համաձայն 30-ամյա ֆուտբոլիստը միացել է սաուդական «Ալ Արաբի» ակումբին, որը հանդես է գալիս Սաուդյան Արաբիայի առաջին դիվիզիոնում (Yelo League)։ Դա երկրի ֆուտբոլային լիգայի համակարգի երկրորդ մակարդակն է՝ Սաուդյան Պրոֆեսիոնալ լիգայից (Saudi Pro League) հետո։

Ուդոն «Հայաստանի 16-ակի չեմպիոնին միացել էր 2024 թվականի ձմռանը և 2023/24 մրցաշրջանում «Փյունիկի» հետ դարձել է Հայաստանի Պրեմիեր լիգայի չեմպիոն։

Լուսանկարը` ՀՖՖ

ՀԵՂԻՆԱԿ` ՎԼԱԴԻՄԻՐ ԳԱԲՐԻԵԼՅԱՆ