Յուսուֆ Օլայտան Օտուբանջոն «Նասաֆ» ՖԱ-ի ֆուտբոլիստ

Ուզբեկական «Նասաֆ» ֆուտբոլային ակումբը մեկուկես տարվա աշխատանքային պայմանագիր է ստորագրել Երևանի «Փյունիկի» նիգերիացի հարձակվող Յուսուֆ Օլայտան Օտուբանջոյի հետ։ Այս մասին տեղեկացնում է «Նասաֆի» մամուլի ծառայությունը։

Հիշեցնենք, որ փորձառու հարձակվողը իր կարիերայի ընթացքում հանդես է եկել Հայաստանի, Սլովակիայի, Ավստրիայի, Իսպանիայի և Նիգերիայի ակումբներում։

«Հաջողություն ենք մաղթում մեր նոր խաղացողին։ Վստահ ենք, որ Յուսուֆ Օլայտան Օտուբանջոն մեծ ներդրում կունենա թիմի հաղթանակներում և կարևոր դեր կխաղա առանցքային հանդիպումներում», — գրված է ուզբեկական ակումբի հայտարարության մեջ։