«Բավարիան» հայտարարեց Լուիս Դիասի՝ «Լիվերպուլից» տեղափոխության մասին

Մյունխենի «Բավարիան» իր պաշտոնական կայքում հայտարարեց կոլումբիացի թևային Լուիս Դիասի՝ «Լիվերպուլից» տեղափոխության մասին։ Կողմերը ստորագրել են չորս տարվա պայմանագիր։

Ավելի վաղ լրատվամիջոցները հայտնել էին, որ 28-ամյա ֆուտբոլիստի գործարքը կկազմի 75 միլիոն եվրո: «Լիվերպուլը» կփորձի ձեռք բերել Ալեքսանդր Իսակին «Նյուքասլից»:

Հիշեցնենք, որ Դիասը «Լիվերպուլում» խաղում է 2022 թվականից, որտեղ տեղափոխվել է «Պորտուից»։ Անցյալ մրցաշրջանում Դիասը մասնակցել է բոլոր մրցաշարերի 50 խաղի, որոնցում խփել է 17 գոլ և կատարել ութ գոլային փոխանցում։ Transfermarkt պորտալում ներկայացված տեղեկատվության համաձայն՝ ֆուտբոլիստի շուկայական արժեքը կազմում է 70 միլիոն եվրո։