«Չելսին» մոտ է «Այաքսի» 19-ամյա պաշտպանի հետ պայմանագիր կնքելուն 40 միլիոն եվրոյի դիմաց

«Այաքսի» պաշտպան Ջորել Հատոն մոտ է «Չելսի» տեղափոխվելուն, հաղորդում է The Athletic-ը։

Աղբյուրի փոխանցմամբ՝ լոնդոնցիները համաձայնության են եկել 19-ամյա հոլանդացու հետ պայմանագրի շուրջ։ «Չելսին» խաղացողի համար կվճարի մոտ 40 միլիոն եվրո։

Անցած մրցաշրջանում Հատոն անցկացրել է 50 խաղ բոլոր մրցաշարերում՝ խփելով երեք գոլ և կատարելով վեց գոլային փոխանցում։ Ֆուտբոլիստի ներկայիս աշխատանքային պայմանագիրը ակումբի հետ նախատեսված է մինչև 2028 թվականի ամառը։ Transfermarkt-ի տրամադրված տեղեկատվության համաձայն՝ ֆուտբոլիստի շուկայական արժեքը կազմում է 35 միլիոն եվրո։