Հայտնի են դարձել Սիմոնսի և Հատոյի՝ «Չելսի» հնարավոր տեղափոխության մանրամասները

Անգլիական «Չելսին» շարունակում է ակտիվ բանակցություններ վարել Հոլանդիայի հավաքականի խաղացողների՝ «Այաքսի» 19-ամյա բազմակողմանի պաշտպան Ջորել Հատոյի և «ՌԲ Լայպցիգի» 22-ամյա հարձակողական կիսապաշտպան Չավի Սիմոնսի տրանսֆերի վերաբերյալ ։ Այս մասին X (նախկինում՝ Twitter) սոցիալական ցանցում հայտնել է լրագրող և ինսայդեր Ֆաբրիցիո Ռոմանոն։

Աղբյուրի փոխանցմամբ՝ երկու խաղացողներն էլ շատ են հետաքրքրված «Չելսի» տեղափոխվելով, Հատոն արդեն համաձայնեցրել է իր պայմանագրի անձնական պայմանները «կապույտների» հետ, իսկ Սիմոնսի գործն ավելի է առաջ գնացել։ Նշվում է, որ «թոշակառուները» արդեն գտնվում են «Լայպցիգի» և «Այաքսի» հետ հոլանդացի ֆուտբոլիստների տրանսֆերային արժեքի շուրջ համաձայնության փուլում։

Անցած մրցաշրջանում Սիմոնսը բոլոր մրցաշարերում անցկացրել է 33 խաղ՝ խփելով 11 գոլ և կատարելով ութ գոլային փոխանցում։ Ֆուտբոլիստի ներկայիս աշխատանքային պայմանագիրը ակումբի հետ նախատեսված է մինչև 2027 թվականի ամառը։ Ֆուտբոլիստի գնահատված արժեքը, ըստ Transfermarkt ինտերնետային պորտալի, կազմում է 70 միլիոն եվրո։ Հատոն անցյալ մրցաշրջանում անցկացրել է 50 խաղ՝ խփելով երեք գոլ և կատարելով վեց գոլային փոխանցում։ Նրա պայմանագիրը «ամստերդամցիների» հետ ուժի մեջ է ևս երեք տարի, և նրա տրանսֆերային արժեքը գնահատվում է 35 միլիոն եվրո։