SPORTSWORLD.AM
«Բարսելոնան» ցանկանում է դարպասապահ Մարկ-Անդրե տեր Շտեգենին զրկել ավագի թևկապից։ Այս որոշման հետ համաձայնության են եկել «Բլաուգրանա»-ի ղեկավարությունն ու մարզչական շտաբը, ովքեր կարծում են, որ թիմին անհրաժեշտ է նոր անձնավորություն, որը կարող է կապող օղակ դառնալ խաղացողների և մարզիչների միջև։ Այս մասին հաղորդում է Mundo Deportivo-ն։
Աղբյուրի տեղեկացմամբ` գերմանացի դարպասապահի և «Բլաուգրանա»-ի միջև վերջին անհամաձայնությունները ծագել են այն պատճառով, որ խաղացողը հայտարարել է, որ ակումբից առաջ ինքը պետք է մեջքի վիրահատության ենթարկվի։
Տեր Շտեգենից բացի, «Բարսելոնայի» ներկայիս ավագներն են Ռոնալդ Արաուժոն, Ֆրենկի դե Յոնգը, Պեդրին և Ռաֆինյան։ Սակայն գերմանացուն այս դերում կարող են փոխարինել Ինիգո Մարտինեսը, Ռոբերտ Լևանդովսկին, Ֆերան Տոռեսը կամ Լամինե Ջամալը։