Արսենալը համաձայնության է եկել Գյոկերեսի տրանսֆերի հարցում, նշանակվել է բուժզննում - Օրնշտեյն

Լոնդոնի «Արսենալը» լիովին համաձայնեցրել է հարձակվող Վիկտոր Գյոկերեսի «Սպորտինգից» տեղափոխության բոլոր մանրամասները , հաղորդում է The Athletic-ի լրագրող Դեյվիդ Օրնշտեյնը։

Աղբյուրի փոխանցմամբ՝ «Արսենալը» 27-ամյա հարձակվողի տրանսֆերի համար կվճարի 63.5 միլիոն եվրո։ Պորտուգալական թիմը կարող է ստանալ ևս 10 միլիոն եվրո բոնուսային վճարումների տեսքով։ Հաղորդվում է, որ Լիսաբոնի ակումբը թույլ է տվել իր խաղացողին անցնել բժշկական զննում։

Գյոկերեշը, շաբաթ օրը՝ հուլիսի 26-ին, պետք է բուժզննում անցնի «Արսենալ» տեղափոխվելուց առաջ։ «Սպորտինգի» հարձակվողը նախորդ մրցաշրջանում բոլոր մրցաշարերում անցկացրել է 52 խաղ, խփել 54 գոլ և կատարել 13 գոլային փոխանցում։ Ֆուտբոլիստի պայմանագիրը ակումբի հետ ուժի մեջ է մինչև 2028 թվականի ամառը։