Դիեգո Մարադոնայի համարի լուսանկարից հետո հայտնի դարձավ Դե Բրույնեի համարը «Նապոլիի»-ում

34-ամյա բելգիացի հարձակողական կիսապաշտպան Քևին Դե Բրույնեն «Նապոլիում» կխաղա 11 համարի ներքո, հաղորդում է լրագրող Մատեո Մորետտոն X սոցիալական ցանցում։

 Ավելի վաղ նեապոլիտանական ակումբի մամուլի ծառայությունը հրապարակել էր ֆուտբոլիստի լուսանկարը մարզումից՝ 10 համարի մարզական համազգեստով, որի տակ ժամանակին խաղացել է լեգենդար արգենտինացի Դիեգո Մարադոնան «Նապոլիում»։ Սա բացասական արձագանք առաջացրեց ակումբի երկրպագուների շրջանում, քանի որ «Նապոլիում» 10-րդ խաղային համարը հանվեց շրջանառությունից՝ ի պատիվ Մարադոնայի։

Դե Բրույնեն նախկինում գրեթե 10 տարի խաղացել է անգլիական «Մանչեսթեր Սիթի» ակումբում։ 2024/2025 մրցաշրջանում նա ակումբի կազմում անցկացրել է 40 հանդիպում բոլոր մրցաշարերում՝ դարձել վեց գոլ և  ութ գոլային փոխանցման հեղինակ: