Հարոյանը շատ կարևոր ֆուտբոլիստ է մեզ համար. Եղիշե Մելիքյան

Երևանի «Փյունիկի» գլխավոր մարզիչ` Եղիշե Մելիքյանը Fastex Հայաստանի Պրեմիեր Լիգայի 20-րդ մրցափուլի «Ալաշկերտի» հետ խաղից հետո (0:2) խոսել է թիմի և  ազգային հավաքականի ավագ` Վարազդատ Հարոյանի մասին։

«Հարոյանը շատ կարևոր ֆուտբոլիստ է մեզ համար։ Այժմ լավ մարզավիճակում է գտնվում, և վստահ եմ, որ շատ կօգնի մեզ ու մեր ազգային հավաքականին։ Մենք գիտենք, որ նա լիդեր է, նա ունի բնավորություն։ Հենց դրա համար էլ նրան վստահեցինք ավագի թևկապը և վստահ ենք, որ իր փորձով շատ կօգնի մեզ»,– Մելիքյանի խոսքերն է մեջբերում ակումբի մամուլի ծառայությունը։

Նշենք, որ Հարոյանը «Փյունիկ» է վերադարձել 2025 թվականի հունվարին՝ Չինաստանի Սուպերլիգան ներկայացնող «Ցինդաո Վեսթ Քոսթ» ակումբից։