Նաիր Տիկնիզյանը տեղափոխվեց «Ցրվենա Զվեզդա»

Հայաստանի ազգային հավաքականի պաշտպան` Նաիր Թիկնիզյանն այսօր՝ հունիսի 21-ին, երկու տարվա պայմանագիր է կնքել սերբական «Ցրվենա Զվեզդայի» հետ՝ մինչև 2028 թվականը։ Այս մասին հայտնում է ինսայդեր Իվան Կարպովը։

Աղբյուրի տեղեկացմամբ` 26-ամյա ֆուտբոլիստի պայմանագիրը նախատեսված է երկու տարով՝ ևս մեկ մրցաշրջանով երկարաձգելու հնարավորությամբ և տարեկան 700 հազար եվրո աշխատավարձով։

Ցրվենա Զվեզդան» Թիկնիզյանի տրանսֆերի համար «Լոկոմոտիվին» վճարել է 1,7 միլիոն եվրո։ Մոսկովյան ակումբը հետագայում կստանա ևս 0,5 միլիոն եվրո՝ բոնուսների տեսքով։ Բացի այդ, «Լոկոմոտիվը» կստանա Թիկնիզյանի հետագա վաճառքից ստացված գումարի 10%-ը։

Նաիրը «Լոկոմոտիվի» կազմում հանդես էր գալիս 2021 թվականից։ Ռուսական ակումբի կազմում անցկացրած 122 խաղում հայ ֆուտբոլիստը դարձել է 16 գոլի և  17 գոլային փոխանցման հեղինակ: