SPORTSWORLD.AM
Մադրիդի «Ռեալի» նոր գլխավոր մարզիչ Խաբի Ալոնսոն ներկայացրել է անօդաչու թռչող սարքերի օգտագործումը իր թիմի մարզումները նկարահանելու համար, տեղեկացնում է Marca-ն։
Երեկ՝ հունիսի 19-ին, ակումբի պատմության մեջ առաջին անգամ մարզումների ժամանակ նկատվել են անօդաչու թռչող սարքեր, որոնք վերևից տեսանկարահանումներ են ապահովել և թույլ են տվել մարզչական անձնակազմին ավելի լավ վերլուծել խաղացողների գործողությունները։
Նշվում է, որ անօդաչու թռչող սարքերի օգտագործումը թույլ է տալիս մարզիչներին նոր տեսանկյունից տեսնել մարզումների գործընթացը, վերլուծել խաղացողների շարժումները, դիրքավորումը և բացահայտել թիմի ուժեղ և թույլ կողմերը։