SPORTSWORLD.AM
Միլանի «Ինտեր»-ի գլխավոր մարզիչ` Կրիստիան Կիվուն նոր պաշտոնում կմեկնարկի Աշխարհի ակումբային առաջնությունում։
Նրա թիմը հունիսի 18-ին ուժերը կչափի մեքսիկական «Մոնտերեյ»-ի հետ:
Կիվուն հանդես է եկել մեծ ասուլիսով, որի ընթացքում խոսել է նաեւ Հենրիխ Մխիթարյանի մասին:
«Այն տարիքը, որը նշված է անձնագրում, ֆուտբոլի համար կարեւոր չէ։ Ճիշտ չէ խոսել Մխիթարյանի տարիքի մասին, քանի որ այն, ինչ նա ցույց է տալիս մարզումների ժամանակ, հիանալի է։ Կարեւորը թիմի, երկրպագուների եւ ակումբի համար քրտնաջան աշխատելն է։ Հույս ունեմ, նա կունենա նույն էներգիան, որն ուներ նախորդ մրցաշրջանում»,- ասել է մարզիչը։