«Տոտենհեմը» դատի կտա «Մանչեսթեր Յունայթեդի» համասեփականատիրոջ ընկերությանը

«Տոտենհեմ Հոթսպուրը» Լոնդոնի առևտրային դատարան հայց է ներկայացրել «Մանչեսթեր Յունայթեդի» համասեփականատեր սըր Ջիմ Ռատկլիֆին պատկանող INEOS Automotive ընկերության դեմ, հայտնում է` Sky Sports-ը։

Դատարանի արձանագրությունների համաձայն, «Տոտենհեմը» հինգշաբթի օրը առևտրային հայց է ներկայացրել, չնայած կոնկրետ մանրամասները դեռևս չեն հրապարակվել: Հասկանալի է, որ գործը վերաբերում է պայմանագրային վեճին:

INEOS քիմիական խումբը (որի մաս է կազմում INEOS Automotive-ը) 2022 թվականին հնգամյա պայմանագիր է կնքել «Տոտենհեմի» հետ՝ նույնիսկ նախքան Ռատկլիֆը «Մանչեսթեր Յունայթեդի» բաժնետոմսեր կգներ։ Պայմանագրի շնորհիվ INEOS Grenadier-ը դարձավ լոնդոնյան ակումբի պաշտոնական լիաքարշակ մեքենաների գործընկերը։

INEOS-ը «Տոտենհեմի» հետ հովանավորչական պայմանագիրը խզել է 2025 թվականի մարտին, չնայած այն կնքվել էր ընդամենը երեք տարի առաջ։ INEOS Automotive-ի խոսնակը Sky Sports News-ին ասել է.

«INEOS Automotive-ը «Տոտենհեմ Հոթսպուրի» գործընկերն է 2022 թվականից՝ ստանձնելով INEOS Group-ի և ակումբի միջև 2020 թվականից կնքված գործընկերային համաձայնագիրը։ Մենք պայմանագրային իրավունք ունեինք խզել այս համաձայնագիրը և այն իրացրինք 2024 թվականի դեկտեմբերին»։

Անցյալ ամիս Նոր Զելանդիայի ռեգբիի ֆեդերացիան հայտարարեց, որ դատական հայց է ներկայացրել INEOS-ի դեմ՝ մեղադրելով ընկերությանը 2025 թվականի հովանավորչական միջոցների առաջին տրանշը չվճարելու մեջ: Այս գումարը պետք է վճարվեր 2021 թվականին կնքված վեցամյա պայմանագրի համաձայն:

  Հարկ է նշել, որ այս տարվա մարտին հայտարարվեց, որ INEOS-ը նոր հովանավորչական պայմանագիր է կնքել Նոր Զելանդիայի ռեգբիի միության հետ։