Ռաուլը երկար չմնաց. Մադրիդի «Ռեալ»-ը պաշտոնապես ներկայացրեց «Կաստիլյայի» նոր մարզչին

Մադրիդի «Ռեալը» հայտարարում է, որ Ալվարո Արբելոան կմարզի «Կաստիլյան» 2025-2026 մրցաշրջանից սկսած, հաղորդում է ակումբի պաշտոնական կայքը։

«Արբելոան «Ռեալի» և իսպանական ֆուտբոլի լեգենդ է, ինչպես նաև մեր ակումբի ամենահայտնի տեղացի խաղացողներից մեկը։ Արբելոան միշտ եղել է մեր ակումբի արժեքների օրինակելի ներկայացուցիչ և փոխանցել է դրանք որպես երիտասարդական թիմի մարզիչ իր աշխատանքի ընթացքում», - ասվում է մամուլի հաղորդագրության մեջ։

 Նա միացել է «արքայական» երիտասարդական ակադեմիային 2001 թվականին՝ որպես Ջուվենիլ A թիմի խաղացող։ 2004–2005 մրցաշրջանում նա «Կաստիլյա» թիմի կազմում էր, որը բարձրացավ երկրորդ դիվիզիոն։

Ալվարոն 2009-ից 2016 թվականներին առաջին թիմի կազմում խաղացել է 238 խաղ։ Նա նվաճել է երկու Եվրոպայի գավաթ, մեկ ակումբային աշխարհի գավաթ, մեկ ՈՒԵՖԱ-ի Սուպերգավաթը, մեկ Լա Լիգայի տիտղոս, երկու Իսպանիայի գավաթ և մեկ Իսպանիայի Սուպերգավաթը։

Նա Իսպանիայի հավաքականի կազմում անցկացրել է 56 խաղ՝ հաղթելով 2010 թվականի Հարավային Աֆրիկայում կայացած աշխարհի առաջնությունում և երկու անգամ՝ 2008 և 2012 թվականներին, Եվրոպայի առաջնություններում։

Նա միացել է «սերուցքայինների» առաջին թիմին «Լիվերպուլից», որտեղ երեք մրցաշրջանի ընթացքում անցկացրել է 98 հանդիպում:

Նրա ամբողջ մարզչական կարիերան 2020 թվականից ի վեր կապված է եղել «Ռեալ Մադրիդի» երիտասարդական թիմերի հետ։ Նա գլխավորել է Ինֆանտիլ A (U13) թիմը 2020–2021 մրցաշրջանում, որի հետ նվաճել է չեմպիոնական տիտղոսը, Cadet A (U15) թիմը՝ 2021–2022 մրցաշրջանում, և Juvenil A (U19) թիմը՝ 2022-ից 2025 թվականներին։ Որպես Juvenil A-ի մարզիչ՝ նա 2022–2023 մրցաշրջանում նվաճել է երեք տիտղոս՝ Լա Լիգա, Կոպա դել Ռեյ և Չեմպիոնների լիգա։ Այս մրցաշրջանում նա նաև հաղթել է Լա Լիգան և մասնակցում է Չեմպիոնների լիգայի քառորդ եզրափակիչին։