«Այաքսի» նախկին մարզիչը մերժել է «Բրագայի» առաջարկը

 Ֆրանչեսկո Ֆարիոլին մերժել է Բրագայի առաջարկը վերջին ժամերին, ըստ հեղինակավոր ներքին աղբյուր Նիկոլո Շիրայի։

Հիշեցնենք, որ Ֆրանչեսկոն հեռացավ «Այաքսից» մայիսի 19-ին։ Մարզիչը և ակումբը ցնցող ֆիասկո ապրեցին Էրեդիվիզիեում։ Մի քանի տուր առաջ ՊՍՎ-ից 9 միավորով առաջ անցնելով՝ Ամստերդամի թիմը կարողացավ կորցնել գավաթը՝ ի վերջո 1 միավորով հետ մնալով Էյնդհովենի թիմից։

Այնուամենայնիվ, Ֆրանչեսկոն մնում է Իտալիայի ամենախոստումնալից մարզիչներից մեկը։ Նա ընդամենը 36 տարեկան է, իսկ «Այաքսը» արդեն նրա չորրորդ թիմն է։ Ֆրանչեսկոն սկսել է որպես խորհրդատու և դարպասապահների մարզիչ։ 2021 թվականին նա դարձավ թուրքական «Ալանյասպոր» ակումբի գլխավոր մարզչի օգնական, որտեղ ավելի ուշ դարձավ գլխավոր մարզիչ։ Դրանից հետո եղան Կարագյումրյուկը, Նիցցան և, վերջապես, կանգառ Նիդեռլանդներում։

Այս մրցաշրջանում մարզչի ղեկավարությամբ Ամստերդամի թիմը խաղացել է 54 խաղ, որոնցից հաղթել է 35-ում, ոչ-ոքի է խաղացել 8-ում և պարտություն կրել 11 դեպքում։