Անդրե Գոմեշը անվճար կհեռանա «Լիլից»

Կիսապաշտպան` Անդրե Գոմեշը ամառային տրանսֆերային պատուհանի ընթացքում կհեռանա Լիլից։ Այս մասին հայտնում է` Նիկոլո Սկիրան։

Աղբյուրի տեղեկացմամբ՝ 31-ամյա պորտուգալացին վաղաժամկետ կխզի ֆրանսիական ակումբի հետ իր աշխատանքի պայմանագիրը, որը նախատեսված է մինչև 2026 թվականի ամառը, և կդառնա ազատ գործակալ։

Հիշեցնենք, որ Գոմեշը «շներին» միացել է անցյալ ամռանը։ Այս մրցաշրջանում նա անցկացրել է 24 խաղ, որոնցում խփել է մեկ գոլ։ Մրցաշրջանի ավարտին Լիլը վաստակել է 59 միավոր և Լիգա 1-ի մրցաշարային աղյուսակում զբաղեցնում է հինգերորդ տեղը։