«Էսպանյոլի» երկրպագուների վրա մեքենայի հարվածից վիրավորների թիվն աճել է

«Էսպանյոլի» երկրպագուների վրա մեքենայի հարվածից տուժածների թիվը հասել է 16-ի։ Միջադեպը տեղի է ունեցել երեկ՝ մայիսի 15-ին, թիմի մարզադաշտի մոտ՝ Լա Լիգայի շրջանակներում «Բարսելոնայի» դեմ խաղից (0:2) առաջ։

Ավելի վաղ հաղորդվել էր, որ մարզադաշտի մոտ «Պեժո» մակնիշի մեքենան պատահաբար վրաերթի է ենթարկել մի աղջկա։ Դրանից հետո մարդիկ ամուր շրջապատեցին մեքենան, սկսեցին գոռալ և առարկաներ նետել դրա վրա։ 45-ից 55 տարեկան կին վարորդը նյարդայնացել է և սեղմել գազի ոտնակը, ինչի հետևանքով մեքենան հանկարծակի հեռացել է և բախվել ամբոխի մեջ գտնվող ևս մի քանի մարդկանց։

Ավելի վաղ հաղորդվել էր, որ ընդհանուր առմամբ 13 մարդ վիրավորվել է, սակայն լուրջ հետևանքներ չկան։ Marca-ի տվյալներով՝ բախման հետևանքով վիրավորվել է 16 մարդ։ Նրանցից 13-ը տեղափոխվել են հիվանդանոց։ Մեկ անձի վիճակը, կարծես, վատթարացել է և գնահատվում է ծանր։