Սուարես. Մեսսին զարմացած է «Բարսելոնայի» խաղով Ֆլիկի գլխավորությամբ

«Ինտեր Մայամիի» հարձակվող Լուիս Սուարեսը հայտարարել է, որ իր թիմակից Լիոնել Մեսսին տպավորված է «Բարսելոնայի»՝ գերմանացի մասնագետ Հանս-Դիտեր Ֆլիկի գլխավորությամբ ցուցադրած խաղով ։

«Մեսսին դեռ դիտում է «Բարսելոնայի» բոլոր խաղերը և ուրախ է Ֆլիկի գլխավորությամբ նրանց հաջողություններով։ Մի քանի օր առաջ Լեոն ինձ ասաց, որ շատ զարմացած է և հպարտ, քանի որ թիմը վերականգնել է իր ինքնությունը», - Սուարեսի խոսքերն  մեջբերել է լրագրող` Միգել Բլազկեսը սոցիալական ցանցի իր էջում:

60-ամյա Հանս-Դիտեր Ֆլիկը «Բարսելոնան» գլխավորում է 2024 թվականի մայիսից։ Նրա գլխավորությամբ թիմը 2025 թվականին նվաճել է Իսպանիայի Սուպերգավաթը։ «Բլաուգրանան» նաև գլխավորում է Իսպանիայի ներքին առաջնության մրցաշարային աղյուսակը՝ 34 խաղից հետո 79 միավորով։