Գվարդիոլան անվանել է իր մարզչական կարիերայի ամենադժվար մրցակցին

«Մանչեսթեր Սիթիի» գլխավոր մարզիչ` Խոսեպ Գվարդիոլան «Լիվերպուլի» նախկին մարզիչ Յուրգեն Կլոպին անվանել է իր կարիերայի ամենադժվար մրցակիցը։

Կլոպի «Լիվերպուլը» իմ մարզչական կարիերայի ամենամեծ փորձությունն էր։ Նա միշտ գլխացավ էր պատճառում ինձ։ Ես այնքան շատ օրեր ու գիշերներ անցկացրի մարզչական շտաբիս հետ՝ փորձելով հասկանալ, թե ինչպես կանգնեցնել նրան։ Կային պահեր, երբ մտածում էի. «Ես դա արեցի», և հաջորդ օրը ես շատ էի հուսահատվում։ «Ես երբեք չեմ բախվել ավելի ուժեղ մրցակցի», - Գվարդիոլայի խոսքերն է մեջբերում Marca-ն։

Յուրգեն Կլոպը «Լիվերպուլում» աշխատել է 2015-ից 2024 թվականներին։ 2025 թվականի հունվարի 1-ից մասնագետը սկսել է կատարել «Ռեդ Բուլի» գլոբալ ղեկավարի պարտականությունները։ Հիշեցնենք, որ Յուրգեն Կլոպը «Լիվերպուլի» հետ նվաճել է Պրեմիեր լիգան և Չեմպիոնների լիգան։