Բրազիլիայի հավաքականի մարզիչը մեկնաբանել է Աշխարհի առաջնության որակավորման փուլում Արգենտինայից կրած ջախջախիչ պարտությունը

Բրազիլիայի հավաքականի գլխավոր մարզիչ` Դորիվալ Ժունիորը կիսվել է իր կարծիքով 2026 թվականի աշխարհի առաջնության Հարավային Ամերիկայի որակավորման փուլի 14-րդ տուրի՝ Արգենտինայի հավաքականի հետ հանդիպման վերաբերյալ։ Հանդիպումն ավարտվեց հնգակի չեմպիոնների համար արտագնա ջախջախիչ պարտությամբ՝ 1:4 հաշվով։

«Սա նշանակալի պարտություն է։ Պետք է խոստովանեմ դա։ Ես հասկանում եմ իրավիճակի լրջությունը, բայց խորապես հավատում եմ իմ աշխատանքին, այս ամենի զարգացմանը։ Սա բարդ և դժվարին գործընթաց է։ Բայց ես կասկած չունեմ, որ մենք կգտնենք ճիշտ ուղին։ Տարիների ընթացքում և ֆուտբոլում ունեցած փորձի շնորհիվ դա հնարավոր է։ Հիմա ամենանուրբ պահն է։ «Ես երբեք չեմ հանձնվում և միշտ նշանակալի հաջողությունների եմ հասել այն ակումբներում, որոնք ղեկավարել եմ», - Դորիվալի խոսքերն է մեջբերում AS-ը։

14 տուրից հետո Բրազիլիայի հավաքականը չորրորդ տեղում է 2026 թվականի աշխարհի առաջնության որակավորման աղյուսակում: Մրցաշարը կանցկացվի ԱՄՆ-ում, Կանադայում և Մեքսիկայում։ Արգենտինան առաջատարն է 32 միավորով և արդեն ապահովել է իր վաղաժամ որակավորումը Մունդիալ 2026-ին: