«Ինչ անհավանական զգացողություն է»։ Վինսենթ Կոմպանին խոսել է Բավարիայի չեմպիոնության մասին

«Բավարիայի» գլխավոր մարզիչ Վինսենթ Կոմպանին խոսել է իր թիմի չեմպիոնության մասին։ Բունդեսլիգայի 32-րդ տուրում մյունխենյան ակումբը ոչ-ոքի խաղաց ՌԲ Լայպցիգի հետ (3:3), իսկ «Բայերը» նույնպես միավորներ կիսեց «Ֆրայբուրգի» հետ (2:2): Այսպիսով, «Բավարիան» ժամանակից շուտ դարձավ Գերմանիայի չեմպիոն։

«Հիմա մենք ժամանակ ունենք վայելելու Բունդեսլիգայի հաղթանակը. ինչ անհավանական զգացողություն է։ Շնորհավորում եմ խաղացողներին ողջ մրցաշրջանի ընթացքում ցուցադրած հիանալի խաղի համար, դուք դա արեցիք միասին։ Դուք հաղթեցիք որպես թիմ։

Նաև մեծ շնորհակալություն այս հրաշալի ակումբի բոլոր աշխատակիցներին։ Ձեր քրտնաջան աշխատանքը կարևոր է և արդյունք է տալիս։ Մենք պետք է շարունակենք աշխատել։ Մրցաշրջանը դեռ չի ավարտվել, և մենք դեռ շատ հետաքրքիր բաներ ունենք առջևում։ Եկեք բոլորս միասին լավ ավարտենք։

Վերջում, բայց ոչ պակաս կարևորը, մեծ շնորհակալություն «Բավարիայի» բոլոր երկրպագուներին ամբողջ աշխարհում իրենց աջակցության համար։ «Դու հիանալի էիր», - ակումբի մամուլի ծառայությունը մեջբերում է Կոմպանիի խոսքերը X (նախկինում՝ Twitter) սոցիալական ցանցի իր էջում: