Լերոյ Սանեն մոտ է «Բավարիայի» հետ պայմանագիրը երկարաձգելուն

Գերմանիայի հավաքականի վինգեր Լերոյ Սանեն շուտով նոր պայմանագիր կկնքի «Բավարիայի» հետ։  Հայտնում է` Ֆաբրիցիո Ռոմանոն X սոցիալական ցանցի իր էջում (նախկինում՝ Twitter):

Աղբյուրի փոխանցմամբ՝ աշխատանքային պայմանագրի երկարաձգումը նախատեսվում է ավարտել առաջիկա օրերին։ Այս պահին կողմերը աշխատում են համաձայնագրի իրավական մանրամասները պարզաբանելու ուղղությամբ

։Ֆուտբոլիստը մյունխենյան թիմում խաղում է 2020 թվականից։ Սանեի գործող պայմանագիրը «Բավարիայի» հետ ուժի մեջ է մինչև հաջորդ ամառ։ Իր ներկայիս թիմի կազմում Լերոյը երեք անգամ դարձել է Գերմանիայի չեմպիոն, երկու անգամ նվաճել է երկրի Սուպերգավաթը, ինչպես նաև նվաճել է ՈՒԵՖԱ-ի Սուպերգավաթը և Աշխարհի ակումբային գավաթը։

Սանեն Գերմանիայի հավաքականի կազմում է 2015 թվականից, իսկ 2017 թվականին Բունդեսթիմի հետ նվաճել է Կոնֆեդերացիաների գավաթը։