SPORTSWORLD.AM
Մադրիդի «Ռեալի» հանդերձարանում բուռն քննարկվում է, Խաբի Ալոնսոյի գլխավոր մարզչի պաշտոնում նշանակվելը այս ամռանը: «Լոս Բլանկոսի» նոր մարզիչը փոխարինելու է Կառլո Անչելոտիին: Այս մասին տեղեկացնում է AS-ը։ Նշենք Պապա Կառլոյի հետ ցանկանում է պայմանագիր ստորագրել Բրազիլիայի Ֆուտբոլի ֆեդերացիան: Նրանք ցանկանում են իտալացի մասնագետին տեսնել ազգային ընտրանու ղեկին մինչ 2026 թվականի աշխարհի առաջնության մեկնարկը:
Աղբյուրի փոխանցմամբ՝ «Արքայական» ակումբը նույնպես կասկած չունի, որ իտալացի մասնագետը շուտով կգլխավորի Բրազիլիայի ազգային հավաքականը։
Ալոնսոյի ներկայիս ակումբը՝ «Բայեր Լևերկուզենը», պատրաստվում է իսպանացի մասնագետի հեռանալուն և դիտարկում է նրան փոխարինելու տարբերակներ։ «Դեղագործների» գլխավոր մարզչի պաշտոնի թեկնածուներից մեկը Իմանոլ Ալգուասիլն է, ով մրցաշրջանի ավարտին կհեռանա «Ռեալ Սոսյեդադից»։