SPORTSWORLD.AM
Սլալոմի Ֆրանսիայի մինչև 18 տարեկանների չեմպիոն Մարգո Սիմոնը ողբերգականորեն մահացել է Red Bull Alpine Park մրցույթի ժամանակ, որը տեղի է ունենում ապրիլի 24-ից 27-ը Վալ դ'Իզեր քաղաքում (Ֆրանսիա)։ Աղջիկը 18 տարեկան էր։
Տեղեկացնում է Le Dauphiné Libéré-ն, Սիմոնը մահացել է ապրիլի 24-ի վաղ առավոտյան՝ մարզումների ժամանակ դժբախտ պատահարի (ընկման) հետեւանքով։ Միջադեպին անմիջապես արձագանքել է շտապ օգնության բժիշկը, սակայն Մարգոյին վերակենդանացնելու փորձերն անհաջող են եղել: Ալբերվիլի դատախազությունը հետաքննություն է սկսել ողբերգության հանգամանքների վերաբերյալ։
Դահուկների և սնոուբորդի միջազգային ֆեդերացիան (FIS) արդեն իր ցավակցությունն է հայտնել Սիմոնեի սիրելիներին։
«FIS-ն իր անկեղծ ցավակցությունն է հայտնում Մարգոյի ընտանիքին և մերձավորներին և իր լիակատար աջակցությունն է հայտնում այս աներևակայելի դժվար պահին», - ասվում է հայտարարության մեջ:
Նշենք, որ Red Bull Alpine Park մրցաշարը կազմակերպում է 2022 թվականի սլալոմի օլիմպիական չեմպիոն, ֆրանսիացի Կլեման Նոելը ։ Մրցույթը ներառում էր զուգահեռ սլալոմի և ազատ ոճի տարրեր։