Ինչպես կանգնեցնել երիտասարդ ֆուտբոլիստին

Լա Լիգայի 24-րդ մրցափուլի հերթական խաղում Հանս Ֆլիկի «Բարսելոնան»  տանն ընդունելու է վեցերորդ տեղում ընթացքող` «Ռայո Վալյեկանո»-ին: Հանդիպմանն ընդառաջ հյուրերի պաշտպան` Չավարիան նշել է,  ինչպես պետք է կանգնեցնել Լամին Յամալին։

«Դուք չեք կարող անընդհատ պաշտպանվել, պետք է հարձակվեք, դրանով իսկ ստիպելով նրան կատարել նաև պաշտպանական գործողություններ:

Նրան Կախարդական փայտիկ է դիպել։ Նա ընդամենը 17 տարեկան է, և դուք դա հաճախ չեք տեսնում: Նա արդեն աշխարհի լավագույն խաղացողներից մեկն է, տեսնենք, թե որքան հեռու կգնա:

Անկեղծ կլինեմ, այն ամենը, ինչ նա ցույց է տալիս խաղադաշտում, բարձրակարգ ֆուտբոլիստի մասին է վկայում», – ասել է «Ռայո Վալյեկանոյի» պաշտպանը։