Ծանրամարտի ԵԱ. Արա Աղայանը չորրորդն է, Պետրոս Պետրոսյանը հինգերորդը

 Մոլդովայի մայրաքաղաքում ընթացող Ծանրամարտի Եվրոպայի առաջնության նախավերջին մրցումային օրը սկսեցին տղամարդիկ: Արա Աղանյանը գրավեց 4-րդ տեղը, իսկ Եվրոպայի  Պետրոս Պետրոսյանը հինգերորդն է:

Հայաստանի հավաքականից Արա Աղանյանը (անձնական մարզիչ` Հովհաննես Շահնազարյան) պոկում վարժության ընթացքում գլխավերևում պահեց 170 կգ և 175 կգ, իսկ հրումի ժամանակ միայն` 205 կգ: Երկամարտի 380 կգ արդյունքով` Աղանյանը 4-րդն է:

Տղամարդկանց թիմի անդամ Պետրոս Պետրոսյանը (անձնական մարզիչ` Դավիթ Մուրադյան) պոկեց 165 կգ: Հրում վարժությունում նա ֆիքսեց 205 կգ: Երկամարտի 370 կգ արդյունքով` Պետրոսյանը 5-րդն է:

Հայաստանի ծանրամարտի տղամարդկանց հավաքականի գլխավոր մարզիչը Փաշիկ Ալավերդյանն է, իսկ ընտրանու մարզիչը` Հակոբ Փիլոսյանը: