Փարիզցիները կարող են զրկվել լիցենզիայից

Կիլիան Մբապպեի ու ՊՍԺ-ի միջև կոնֆլիկտը շարունակվում է։ Ֆրանսիացին նախկին ակումբից պահանջում է 55.000.000€ աշխատավարձի և բոնուսների տեսքով։

Ակումբը հրաժարվում է վճարել պնդելով, որ Մբապպեն խոստացել էր չհեռանալ ազատ գործակալի կարգավիճակով, սակայն այդպես էլ վարվել է։

Ֆուտբոլիստի շահերը ներկայացնող փաստաբանը մի շարք հայտարարություններ է արել այս թեմայի շուրջ: Նրա խոսքով՝ ՊՍԺ-ն այս պահին էլ վճարելու մտադիր չէ:

Փաստաբանը նշել է, որ իրենք կփորձեն հարցը բարձրացնել Ֆրանսիայի սպորտի նախարարության մակարդակով։ Բացի այդ, պատրաստվում են բողոք ներկայացնել նաև ՈւԵՖԱ։

Նա չի բացառել նաև, որ իրավիճակն այնքան կարող է սրվել, որ նույնիսկ փարիզյան գրանդը զրկվի եվրագավաթներին մասնակցության համար անհրաժեշտ լիցենզիայից։