SPORTSWORLD.AM
Այսօր ՀՖՖ ղեկավարությունը հանդես է եկել մամուլի ասուլիսով, որտեղ ներկա էին ՀՖՖ նախագահ` Արմեն Մելիքբեկյանը փոխնախագահ Արմեն Նիկողոսյանը և գլխավոր քարտուղար Արթուր Ազարյանը:
Հանդիպման ընթացքում քննարկվեցին տարատեսակ հարցեր` ենթակառուցվածքներ ԱԱ Մ20 տարեկանների առաջնություն, ֆուտզալ, ազգային հավաքական, կանանց ազգային հավաքական, պրոֆեսիոնալ լիգա և այլն:
Պրոֆեսիոնալ լիգայի մասին հարցին նախագահը պատասխանեց` Հայաստանի Ֆուտբոլի Ֆեդերացիան (ՀՖՖ) պատրաստ է ստորագրել հուշագիր ակումբների հետ որպեսզի ստեղծվի պրոֆեսիոնալ լիգա և ակումբները նշանակեն խաղերի անցկացման օրերը և ժամերը: Նրանցից պահանջվում է նշանակեն ղեկավար մարմին գրանցեն որպես կազմակերպություն Հայաստանի Հանրապետության Պետական Ռեգիստրում:
ԱԱ Մ20 տարեկանների առաջնության անցկացման հայտնի պատասխանը կստացվի մինչև ս.թ. սեպտեմբեր ամիսը:
Հարցեր հնչեցին առ այն մասին Ֆաստեքս Պրեմիեր լիգայի առաջատար «Նոա» ՖԱ ակումբին վաճառվել է Էջմիածնի տեխնիկական կենտրոն/ ակադեմիան? Արթուր Ազարյանը պատասխանելով նշեց վաճառք չի իրականացվել բոլոր հարցերի պատասխանները կարող եք գտնել ՀՖՖ պաշտոնական կայքի հաշվետվություններ բաժնում:
Նախագահը հերքեց այն կարծրատիպը, որի համաձայն ՀՖՖն կազմակերպել է ՀՀ վարչապետ Նիկոլ Փաշինյանի հայրիկին նվիրված հուշամրցաշարը նրա խոսքով այն կազմակերպվել է «Նիկարմ» ՖԱ ի կողմից և ակումբը հրավիրել ՀՖՖ ղեկավարին: Ենթակառուցվածքների մասին խոսքում նշվեց, որ ՀՖՖ ն իր տնօրինության տակ պետք է ունենա միայն ազգային մարզադաշտը, իսկ մնացյալ բոլորը երկրի ֆուտբոլային գերատեսչությունը կառուցում է ակումբների անհատույց օգտագործման պայմանով տրամադրելու համար: