«Բավարիա»-ն ցանկանում է խափանել տրանսֆերը

Լևերկուզենի «Բայեր»-ի ֆուտբոլիստ` Ֆլորիան Վիրցը եվրոպական երկու ակումբների տրանսֆերային նպատակն է։

Այս մասին տեղեկացնում է Todofichajes-ը։

Աղբյուրի հաղորդմամբ՝ 21-ամյա վինգերի ծառայություններով հետաքրքրված են անգլիական «Մանչեսթեր Սիթին» և Մյունխենի «Բավարիան»։ «Քաղաքաբնակները» Վիրցի համար առաջարկում են 120 միլիոն եվրո, սակայն մյունխենյան ակումբը պատրաստ է վճարել ավելին:

Գերմանական գրանդը նախատեսում է կիսապաշտպանի համար վճարել 130 մլն. եվրո։

Ֆուտբոլիստի գործող աշխատանքային պայմանագիրը «Բայերի» հետ նախատեսված է մինչև 2027 թվականի ամառը։ Այս մրցաշրջանում 21-ամյա ֆուտբոլիստը անցկացրել է 39 հանդիպում, դարձել 15 գոլի և 13 արդյունավետ փոխանցման հեղինակ։