Սկանդալները շարունակվում են

Մադրիդի «Ռեալը» Լա Լիգայի 24-րդ տուրում ոչ-ոքի խաղաց «Օսասունայի» հետ (1:1):

Հանդիպման գլխավոր մրցավար` Խոսե Մունուերա Մոնտերոն «սերուցքայինների» անգլիացի կիսապաշտպան Ջուդ Բելինգհեմին ցույց տվեց կարմիր քարտ մի խոսակցությունից հետո։

 Իսպանիայի ֆուտբոլի թագավորական ֆեդերացիայի կարգապահական կանոնակարգի համաձայն եթե ֆուտբոլիստը վիրավորում է մրցավարին, նրան կարող է սպառնալ 4-ից 12 խաղով որակազրկում։

Եթե խոսքը վերաբերում է անհարգալից պահվածքին, ապա պատիժն ավելի մեղմ կարող է լինել:

Իսպանական լրատվամիջոցներն  փորձում են ֆուտբոլիստի շրթունքներից կռահել, թե ինչ է ասել 21-ամյա ֆուտբոլիստը:

Լրագրողները համոզված են՝ Ջուդը պարզապես զայրացած է եղել և արտասանել է «F*ck off», իսկ մրցավարը լսել է այլ արտահայտություն, որը, ենթադրաբար, իրեն է վերագրել: