SPORTSWORLD.AM
«Ռեալ Մադրիդի» և Ֆրանսիայի հավաքականի հարձակվող Կիլիան Մբապեն հույս է հայտնել, որ «Սանթոսի» հարձակվող Նեյմարը կվերադառնա Բրազիլիայի հավաքական։ 34-ամյա ֆուտբոլիստը չի ընդգրկվել Ֆրանսիայի և Խորվաթիայի դեմ ընկերական խաղերի վերջնական հայտացուցակում։
«Նեյմարը Նեյմար է։ Աշխարհի առաջնությունը համաշխարհային աստղերի համար է, և նա անպայման այնտեղ կլինի։ Ես չեմ կարող պատկերացնել Աշխարհի առաջնությունը առանց Նեյմարի, բայց չեմ վիճի Անչելոտիի հետ», - Մբապեի խոսքերն է մեջբերել լրագրող և ներքին աղբյուր Ֆաբրիցիո Ռոմանոն X սոցիալական ցանցում, հղում անելով Globo-ին։
Ավելի վաղ հաղորդվում էր, որ Նեյմարը հիասթափեցրել է Բրազիլիայի ֆուտբոլի ֆեդերացիային և նվազագույն հնարավորություններ ունի մասնակցելու Աշխարհի առաջնությանը։ Ընթացիկ մրցաշրջանում Նեյմարը բոլոր մրցաշարերում խփել է երեք գոլ և կատարել երկու գոլային փոխանցում հինգ խաղում։