«Արքայական» ակումբը հետաքրքրված է «Ման. Յունայթեդի» ֆուտբոլիստով

Մադրիդի «Ռեալը» հետաքրքված է  «Մանչեսթեր Յունայթեդի» 30-ամյա կիսապաշտպան Բրունո Ֆերնանդեշի ծառայություններով:  Տեղեկացնում է Daily Star-ը։

Աղբյուրի հաղորդմամբ «Լոս Բլանկոները» դիտարկում են պորտուգալացի ֆուտբոլիստին  39-ամյա խորվաթ` կիսապաշտպան Լուկա Մոդրիչի հավանական փոխարինող։ Ֆերնանդեշի հնարավոր տեղափոխությունը Մադրիդի «Ռեալ» գնահատվում է 90.000.000 ֆունտ (108.000.000€)։

«Կարմիր սատանաների» գլխավոր մարզիչ Ռուբեն Ամորիմը ցանկանում է կիսապաշտպանին պահել թիմում, սակայն ակումբը ցանկանում է լրացուցիչ եկամուտ ստանալ և կրճատել ծախսերը։

Ընթացիկ մրցաշրջանում Ֆերնանդեշը բոլոր մրցաշարերում անցկացրել է 44 հանդիպում՝ դառնալով 16 գոլի և 16 գոլային փոխանցման հեղինակ։ Ֆուտբոլիստի ներկայիս աշխատանքային պայմանագիրն ակումբի հետ ուժի մեջ է մինչև 2027 թվականի ամառը։