Ջարոդ Բոուենի ծառայություններով հետաքրքրված են մի քանի ակումբներ

«Վեսթ Հեմի»  հարձակվող` Ջարոդ Բոուենը կասկածի տակ է դնում իր ապագան «Մուրճերում», որտեղ նրա պայմանագիրը նախատեսված է մինչև 2030 թվականի ամառը, հայտնում է TEAMtalk-ը։

Աղբյուրի համաձայն՝ 29-ամյա ֆուտբոլիստով հետաքրքրված են «Մանչեսթեր Յունայթեդը» և «Տոտենհեմ Հոտսպուրը»։ Նշվում է, որ «կարմիր սատանաները» կարող են թիրախավորել Բոուենին, եթե «Վեսթ Հեմը» դուրս մնա Անգլիայի Պրեմիեր լիգայից։

Լոնդոնյան ակումբը դժկամությամբ է բաց թողնում իր ավագին և պահանջելու է զգալի տրանսֆերային վճար։ «Մուրճերը» անգլիացուն գնահատում են 60 միլիոն եվրո։

Ընթացիկ մրցաշրջանում Բոուենը մասնակցել է 29 խաղի բոլոր մրցաշարերում՝ խփելով ութ գոլ և կատարելով չորս գոլային փոխանցում: Transfermarkt-ի տվյալներով՝ նրա տրանսֆերային արժեքն կազմում է 35 միլիոն եվրո:

27 տուրից հետո «Վեսթ Հեմը» վաստակած 25 միավորով  զբաղեցնում է մրցաշարային աղյուսակի 18-րդ տեղը՝ դուրս մնալու գոտում։