SPORTSWORLD.AM
«Միլանի» մարզչի օգնական Մարկո Լանդուչին խոսեց Սերիա A-ի 26-րդ տուրի «Պարմայի» դեմ խաղից հետո: «Կարմիր-սևերը» պարտվեցին 1-0 հաշվով՝ վերջ դնելով 24 խաղից բաղկացած անպարտելի շարքին:
«Իհարկե, մենք ոգևորված չենք։ Պարման շատ լավ խաղաց, բայց գնդակն այսօր պարզապես չէր մտնում դարպասը։ Մենք ուզում էինք երեք միավոր վաստակել, այնպես որ, իհարկե, հիասթափված ենք, բայց երեքշաբթի օրը ամեն ինչ նորից կսկսենք»։
«Կարծում եմ՝ Սերիա A-ն աշխարհի ամենադժվար լիգան է, քանի որ այն շատ հավասարակշռված է՝ յուրաքանչյուր խաղում թաքնված վտանգներով։ Կան խաղեր, որոնք ձեր ուզածով չեն ընթանում։ Այսօր Գաբիան վնասվածք ստացավ մարզման ժամանակ, և մենք ստիպված եղանք վերջին րոպեին փոփոխություններ կատարել, իսկ հետո Լոֆտուս-Չիկը լուրջ վնասվածք ստացավ։ Սա լավագույն երեկոն չէր», - ասել է Լանդուչին, հայտնում են իտալական լրատվամիջոցներ:
Հիշեցնենք, որ «Միլանի» գլխավոր մարզիչ Մասիմիլիանո Ալեգրին որակազրկման պատճառով չի մասնակցել խաղին։
Միլանն այժմ ունի 54 միավոր։ 26 խաղից հետո թիմը Սերիա A-ում երկրորդն է՝ առաջատար Ինտերից 10 միավորով հետ մնալով։