Միկել Արտետա. «Այո ես անհամբեր սպասում եմ»

«Արսենալի» գլխավոր մարզիչ` Միկել Արտետան կիսաեզրափակչում «Չելսիի» դեմ տարած հաղթանակից հետո (ընդհանուր 4:2) խոսել է Անգլիայի լիգայի գավաթի խաղարկության եզրափակիչ դուրս գալու նշանակության մասին։

«Դե, սրանք լավագույն վիտամիններն են, որոնք մենք կարող ենք ստանալ, քանի որ մենք խաղում ենք յուրաքանչյուր երեք օրը մեկ։ Բայց այն փաստը, որ մենք այդքան շատ ենք աշխատում այս պահերին հասնելու և դրանք միասին ապրելու համար, պարզապես կախարդական է, քանի որ դուք տեսնում եք ուրախությունը, ժպիտները, էներգիան հանդերձարանում և ակումբում աշխատող բոլորի մեջ։ Այո, ես անհամբեր սպասում եմ դրան», - ասել է Արտետան՝ ըստ «Արսենալի» պաշտոնական կայքի։

Եզրափակչում «Արսենալը» կխաղա «Նյուքասլ Յունայթեդ»-«Մանչեսթեր Սիթի» զույգի հաղթողի հետ (առաջին խաղն ավարտվել է 0:2 հաշվով):