ՊԵՊ ԳՎԱՐԴԻՈԼԱՆ ԿՀԵՌԱՆԱ ՄՐՑԱՇՐՋԱՆԻ ՎԵՐՋՈՒՄ

 Պրեմիեր լիգայի մարզիչների շրջանում աճում է այն համոզմունքը, որ այս մրցաշրջանը Խոսեպ Գվարդիոլայի վերջինը կլինի «Մանչեսթեր Սիթիում», չնայած նրա պայմանագիրը գործում է մինչև 2027 թվականը, հաղորդում է The Times-ը։

Աղբյուրի համաձայն՝ անգլիական Պրեմիեր լիգայի առաջատար ակումբներից մեկի մարզիչներից մեկը անցյալ շաբաթ ղեկավարությանը հայտնել է, որ վստահ է, որ իսպանացի մասնագետը կհեռանա «Քաղաքացիներից» ընթացիկ մրցաշրջանի ավարտին։

Գվարդիոլան «Մանչեսթեր Սիթիի» գլխավոր մարզիչն է 2016 թվականի ամռանից։ Նրա ղեկավարությամբ թիմը վեց անգամ հաղթել է Անգլիայի Պրեմիեր լիգան, երկու անգամ՝ Անգլիայի գավաթը և չորս անգամ՝ Լիգայի գավաթը։ 2023 թվականին «Քաղաքացիները» նվաճեցին Չեմպիոնների լիգան։