Սաուդյան Արաբիայի ակումբները վստահ են, որ կարող են գնել Սալահին

Սաուդյան Արաբիայի ակումբները վստահ են, որ կկարողանան 100 միլիոն ֆունտ ստեռլինգով (114 միլիոն եվրո) ձեռք բերել անգլիական «Լիվերպուլի» ֆուտբոլիստ` Մոհամեդ Սալահին , եթե նա որոշի լքել «Մերսիսայդները», տեղեկացնում է` «Daily Mail»-ը։

Աղբյուրի տվյալներով՝ նման տրանսֆերը կարող է տեղի ունենալ կամ այս ձմռանը, կամ հաջորդ ամռանը։ Սալահը և նրա ընտանիքը վայելում են կյանքը Անգլիայում, բայց թևային հարձակվողը չի բացառել Սաուդյան Արաբիա տեղափոխվելու հնարավորությունը 2023 թվականին նրան ձեռք բերելու իրենց առաջին փորձից ի վեր։ Ընդգծվում է, որ «Լիվերպուլը» չի ցանկանում վաճառել հարձակվողին, որի պայմանագիրը երկարաձգվել է մինչև 2027 թվականը այս գարնանը։

Ընթացիկ մրցաշրջանում Սալահը մասնակցել է 20 խաղի բոլոր մրցաշարերում՝ խփելով հինգ գոլ և կատարելով չորս գոլային փոխանցում։ Transfermarkt-ի տվյալներով՝ նրա շուկայական արժեքը կազմում է 30 միլիոն եվրո։