Միկել Արտետա. «Պետք է գովեստի խոսքեր ասեմ»

«Արսենալի» գլխավոր մարզիչ` Միկել Արտետան մեկնաբանել է իր թիմի խաղը Անգլիայի Պրեմիեր լիգայի 16-րդ տուրում «Վուլվերհեմփթոնի» նկատմամբ տարած հաղթանակից հետո (2:1):

«Մենք թեթևություն զգացինք, բայց նաև հասկացանք, որ պետք է ավելի մեծ վստահությամբ հաղթենք։ Երկրորդ խաղակեսում մենք պետք է ավելի արագ խաղացնեինք, և կարծում եմ՝ դա արեցինք։ Այնուամենայնիվ, կային երկու-երեք րոպե, երբ մենք լիովին պասիվ էինք։ Դա շատ հեռու է այն մակարդակից, որը մեզ անհրաժեշտ է խաղալու այն թիմի դեմ, որը դարպասին ոչ մի հարված չէր կատարել։ Մենք գոհ ենք հաղթանակից, բայց անպայման պետք է բարելավենք այս ոլորտում»։

Պետք է գովեստի խոսքեր ասեմ «Վուլվերհեմփթոնին»։ Գիտեի, որ դժվար խաղ է լինելու, բայց մենք ավելի դժվարացրինք խաղը՝ գոլ բաց թողնելով։ Դա անընդունելի է։

«Ամեն անգամ, երբ դու հաղթում ես Պրեմիեր լիգայում, պետք է ուրախ լինես։ Բայց այսօր մենք ինքներս ստեղծեցինք մեր դժվարությունները, և սա է գլխավոր դասը», - ասել է Արտետան՝ ըստ Sky Sports-ի։