«Քրիսթալ Փելասը» ցանկանում է ձեռք բերել «Տոտենհեմի» հարձակվողին

«Քրիսթալ Փելասը» ձմեռային տրանսֆերային պատուհանի նախաշեմին հետաքրքրված է` «Տոտենհեմի» թևային հարձակվող Բրենան Ջոնսոնի նկատմամբ, հաղորդում է The Telegraph-ը։

Աղբյուրի տեղեկացմամբ՝ «Արծիվները» դիտարկում են մի քանի հարձակվողների, այդ թվում՝ Ջոնսոնի տրանսֆերը, որպեսզի ապահովեն իրենց մրցաշրջանի երկրորդ կեսում Չեմպիոնների լիգայի որակավորման համար պայքարելու հնարավորությունը։ «Քրիսթալ Փելասը» 15 խաղից հետո ներկայումս զբաղեցնում է չորրորդ տեղը։

Ջոնսոնը ընթացիկ մրցաշրջանում մասնակցել է 19 խաղի բոլոր մրցաշարերում՝ խփելով չորս գոլ։ Նրա ներկայիս պայմանագիրը ակումբի հետ նախատեսված է մինչև 2028 թվականի ամառը։ Transfermarkt-ի տվյալներով՝ նրա շուկայական արժեքը կազմում է 35 միլիոն եվրո։