Նոյերը կարող է վերադառնալ ազգային հավաքական

Գերմանիայի ազգային հավաքականը դիտարկում է Մյունխենի «Բավարիայի» փորձառու դարպասապահ Մանուել Նոյերին Մունդիալ 2026-ի հայտացուցակ վերադարձնելու հնարավորությունը, հաղորդում է Bild-ը։ Նա միջազգային կարիերան ավարտել է 2024 թվականին։

 Աղբյուրի համաձայն Մանուելի հնարավոր վերադարձը կախված կլինի «Բարսելոնայի» դարպասապահ Մարկ-Անդրե տեր Շտեգենի մարզավիճակից։ Եթե «կատալոնական» ակումբի դարպասապահը վնասվածքից հետո վերադառնա լավագույն մարզավիճակի, ապա Նոյերի կարիքը չի լինի:

38-ամյա Մանուել Նոյերը «Բավարիայի» հետ 11 անգամ դարձել է Գերմանիայի չեմպիոն, հինգ անգամ՝ Գերմանիայի գավաթակիր և երկու անգամ՝ Չեմպիոնների լիգայի հաղթող։ 2014 թվականին Գերմանիայի հավաքականի հետ նա դարձել է աշխարհի չեմպիոն։