Ակումբային հեռուստաընկերությունը քննադատել է մրցավարի գործողությունները

Մադրիդի«Ռեալի» ակումբային հեռուստատեսությունը քննադատել է մրցավար Ալեխանդրո Կինտերո Գոնսալեսի աշխատանքը Իսպանիայի Լա լիգայի 15-րդ տուրի խաղից հետո, որում «սերուցքայինները» պարտվել են «Սելտային» (0:2):

«Կինտերո Գոնսալեսի գործողությունները վրդովեցուցիչ էին։ Նա վարվեց այնպես, ինչպես ընդունված էր Նեգրեյրայի ռեժիմի օրոք՝ ստանալու համար այն պարգևները, որոնք, իր կարծիքով, իրեն էին պատկանում, լինի դա միջազգային կարգավիճակ, թե կարևորագույն ազգային խաղերին մասնակցելու նշանակումներ։ Նա բացարձակապես անհամապատասխան էր և չափազանց մեղմ էր «Սելտայի» ժամանակի վատնման նկատմամբ։ Ութ վայրկյանի կանոնը ամոթ է, ծաղր երկրպագուների, խաղացողների և մնացած բոլորի նկատմամբ։ Սա մրցավարության այն մակարդակը չէ, որը հավակնում է լինել աշխարհի լավագույններից մեկը», - նրա խոսքերը մեջբերել են AS TV-ի լրագրողները։

 Իսպանիայի առաջնությունում 16 խաղից հետո «Ռեալ Մադրիդը» 36 միավորով երկրորդն է մրցաշարային աղյուսակում: «Բարսելոնան» գլխավորում է մրցաշարային աղյուսակը 40 միավորով: