Կարագեր. «Ես կցանկանայի, որ Սալահը իրեն դրսևորեր որպես առաջնորդ»

«Լիվերպուլի» և Անգլիայի հավաքականի նախկին պաշտպան Ջեյմի Կարագերը մեկնաբանել է «Մերսիսայդների» հարձակվող Մոհամեդ Սալահի խաղը ։ «Լիվերպուլը» 12-րդ տուրում 3-0 հաշվով պարտվեց «Նոթինգհեմ Ֆորեսթին»։

«Լիվերպուլի համար այս մրցաշրջանում ամենակարևորը Մո Սալահի, Վիրջիլ վան Դեյքի և Տրենտ Ալեքսանդր-Առնոլդի ապագան չէ։ Ամենակարևորը «Լիվերպուլի» կողմից Պրեմիեր լիգայում հաղթանակն է։ Դա ավելի կարևոր է, քան այդ խաղացողներից որևէ մեկը։ Եթե Սալահը շարունակում է մեկնաբանություններ անել, կամ նրա գործակալը շարունակում է խորհրդանշական թվիթներ հրապարակել, դա եսասիրություն է. դա նշանակում է, որ նրանք մտածում են իրենց մասին, այլ ոչ թե ֆուտբոլային ակումբի»։

«Ես կցանկանայի, որ Սալահը իրեն դրսևորեր որպես առաջնորդ, որպես «Լիվերպուլի» լեգենդներից մեկը, առաջ գար և խոսեր թիմի անունից։ Նա միշտ չպետք է լինի թիմի ավագը։ Բայց մարզիչը, ակնհայտորեն, պաշտոնանկության սպառնալիքի տակ է։ Ձեր նշած արդյունքներով ցանկացած մարզիչ, եթե նրա թիմը լիներ վերջին չորսում կամ դուրս մնալու գոտում, ճնշման տակ կլիներ», - ասել է Կարագերը, հաղորդում է`  «Sky Sports»-ը: