Կևին Դե Բրույնեն Նապոլիում չի խաղա առնվազն մինչև փետրվար

«Նապոլիի» կիսապաշտպան` Քևին Դե Բրույնեն վնասվածքի պատճառով կբացակայի իտալական ակումբից առնվազն մինչև փետրվար, հաղորդում է La Gazzetta dello Sport-ը։ Կիսապաշտպանը վնասվածք է ստացել «Ինտերի» դեմ Սերիա A-ի ութերորդ տուրի խաղում։

Ավելի վաղ, Սերիա A-ի գործող չեմպիոնի պաշտոնական կայքը հայտնել էր, որ բելգիացին հաջողությամբ վիրահատվել է Անտվերպենում՝ աջ ազդրի երկգլուխ ազդրային մկանի պատռվածքից հետո: Դե Բրույնեն այժմ կսկսի վերականգնողական շրջանը:

Բելգիացի կիսապաշտպանը այս մրցաշրջանում իտալական ակումբի կազմում բոլոր մրցաշարերում մասնակցել է 11 հանդիպման, դարձել չորս գոլի երկու գոլային փոխանցում։